2025【綠色炸彈】第一次報稅懶人包

好多人第一次報稅都會有唔少疑問，尤其係啱啱出嚟做嘢嘅職場新人。根據香港稅務局公佈嘅《個別人士報稅須知》，以下整理咗五個最常見嘅疑問，幫大家輕鬆掌握報稅要點！

1. 第一次做嘢，幾時要報稅？

香港稅務年度由每年4月1日開始，去到翌年3月31日。如果你喺呢段時間內有打工收入，通常會喺每年5月收到稅務局寄嚟嘅「報稅表－個別人士」（BIR60）。收到後要記得喺指定期限內填妥交返。如果你收入未達到交稅門檻，雖然最後可能唔使交稅，但都要報返。

2. 收唔到報稅表，點算好？

如果你有收入但7月尾之前仲未收到報稅表，記得要主動聯絡稅務局，可以寫信或傳真，提供你嘅個人資料、僱主資料同收入詳情，等稅局幫你設立稅務檔案，確保你冇甩漏報稅。

3. 報稅要準備啲咩文件？

一般嚟講，填報稅表時唔使夾附證明文件。但如果你申請扣稅（例如進修開支、慈善捐款、租金扣除等），就要自己保存好相關單據同收據，最少留6年，以防日後稅局查數。

4. 僱主會幫我報稅嗎？

僱主通常會喺你開工後3個月內向稅務局提交IR56E表格，申報你受僱嘅詳情。不過，即使公司有報，你自己都要確保申報準確，唔好假手於人，因為最終報稅責任喺自己度！

5. 收入、開支要唔要記錄低？

最好養成習慣，收入同相關開支（例如租金、進修費、醫療開支等）都記錄低，起碼要保存6年。到時如果稅局要查數或者自己想扣稅，都有證據支持，唔會亂估漏報。

Letsgethome金匙屋打破傳統地產代理束縛

如果您正在尋找無需經過傳統地產代理的方式來進行買賣，不妨試試Letsgethome金匙屋二手樓交易平台。這個平台讓您能夠直接與業主接洽，用更優惠價格輕鬆管理交易流程，讓您的買樓或賣樓過程更加高效與透明！